أجم
ل كلام
كتبه القلم
ف عيون جميلة
لما طاف قلبى بروحها
راح يدق بكل قوة
لما قالى هى ديا
إللى بتدور عليها
وسط كل الكون دهوا
نشوى ورداية وجميلة
نشوى مهرة ملائكيه
لما جت سكنت بعينى
لما جت سكنت بقلبى
لما جت تحتل روحى
ف عز ليلى وطول نهارى
يجى رمش العين يداعب
روحى دايما
تلقى روحى و يا قلبى
تجرى و تسلم بلهفة
عند أجمل عين شافتها
روحى و عيونى وقلبى
قلبى راح يسكن معاكى
عند قلبك
عينى مش عايزة تشوف
ولا حد غيرك
روحى مش عايزة تفارق
حته منك
قلبى محتل برموشك
قلبى بيدق بحروفك
كلى بقا ملهوف عليكى
ياللى ساكنة جوه كلى
نشوى دنيا جميلة طلت
جوه منى
نشوى مهرة و جامحة
و بتجرى ف وريدى
نشوى فيروزا بتضوى جوه روحى
لسه همس حروف كلامك
صوته يتردد ف قلبى
كل نبض القلب ليكى
كل همس الروح ينادى
باسمك انتى
ليست هناك تعليقات:
إرسال تعليق