متعودتش
********
متعودتش منك هجر
ولا عشت معاك الاحزان
ليه دلوقتى بلاقى الغدر
وجميلى تقابله بنكران
وبإيدك حطمت القصر
اللى بنيته بشوق وحنان
متعودتش منك هجر
وكل حياتى معاك إحسان
عيش ياحبيبى حياة الصبر
خلى تكالك ع الرحمن
تلقى حياتك دايما نصر
وعطر فمك بالعدنان
وارجع تانى لاجمل عصر
وايام عشناها فى امان
متعودتش منك هجر
ولا عشت معاك الاحزان
متعودتش غير الطيبة
والبسمة بتروى الظمآن
عشنا حياتنا مانعرف غيبة
ولا جبنا فى سيرة انسان
حب شباب ولا يعرف شيبة
وعشت فى قلبى حبيب متصان
وليه دلوقتى اصابك ريبة
وبقسوة عرفت الهجران
متعودتش منك هجر
ولا عشت معاك الأحزان
واتلونت بمليون وش
وغدرت بقلبى الولهان
وكل حياتك صارت غش
وأصبحت بقلبك حيران
متعودتش منك هجر
ارجع تانى سعيد فرحان
***********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق