.......(( سألت النيل))......
سألت النيل علي طول الليل
.......علي قلب عليل .....
يهوي السهر علي ضي القمر
و من كتر الهجر يقول مواويل
يسهر ما ينام و في قلبه هيام
عايش أحلام ...و ليله طويل
يحكي في كلام عتاب و ملام
و عذاب و آلام و نومه قليل
ما ينسي الآه و العين تهواه
تتمني لقاه ..و دمعه يسيل
و علي شطه ..عليا عدي
مركب ...و صياده هدي
شاف دمعتي للتحية ادي
وقالي إهدي الصبر جميل
و قلبي ...لا حبه لاقيه
و لا حد حس بيه وحلمه مخليه.
.. أبدأ ما يميل . ...
و البدر أهو غاب و اتقفل الباب
علي ضي أحباب و بقاله خليل
و الشوق غلاب يسحر الألباب
و الشعر أهو شاب و القلب دليل
صبره طال و في قلبه سؤال
ما يغيب م البال عن حلم جميل .
يا تري قلبه يرق ليه و يلاقيه
و تنور لياليه و لا الصبر بديل ؟؟
فاض النيل و عدي ......
و علي شطه... ما حتي هدي
و موجه قال كلمه واحدة
لقاكم مستحيل ..لقاكم مستحيل...
★★★★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق