ماشي جنب الحيط مكسوف ****
معاشي اتسرق واتحرمت م المصروف
من أربعين سنة كنت وسيم دندوش
النظرة فيا كانت بفلوس
قالوا لي إن فاتك الميري
أتمرغ ف ترابه
اتمرغت أربعين سنة
مع جحش مشهور
وأخرتها خدت من الحكومة
ص و ب ع ب مقلوب منه
طلع من نافوخي صاروخ
و الشعر شاب وغيروا أسمي
من البرنس....للراجل العجوز
قالوا ياجدو دور لك على موتة
قبل القبور ما تغلى وتفوت
وتبات ف الشارع مكشوف
قلت ربنا عن الروح مسئول
يسترنا دنيا واخرة
ويحسنا ختامنا
ولا يحوجنا لمتعوس
بعدالديب ما حرس الغنم
و صدقوا الكذوب
وأنكروا السنة
وكونوا تكوين
م الجهلة و السفيه وننوس
حبة ف السبوبة والفلوس
واللص والبلطجي
أصبح حكم بين النفوس
ورجل أعمال معاه فلوس
والشريف ماشي جنب الحيط
حزين على حاله مكسوف
والضغط عالي عليا
والدوا فنكوش
وعجبي
كلمات: مصطفى عطيه
مصر
طنطا
٢٤٧٣
ليست هناك تعليقات:
إرسال تعليق