أعذريني
________
أعذريني يا دنيا
غصب عني بكيت
ماكنش قصدي أعاتبك
من همي بس شكيت
أعذريني أعذريني..
الدموع بتحب عيني
والحزن ساكن سنيني
ياريتني ما حبيت
كنت زي الطير بغني
حر طاير فى السما
وانتي كنتي نجمة عالية
نورها غطى على القمر
والحياة غنوة حلوة
واللحن كان حبنا
والليالي حضنت قلوبنا
كان ببجمعنا القدر
والفرحة كانت بتناديني
أعذريني أعذريني..
بس ليه الكون
عاندنا
والحياة لعبت خانتنا
الطير الحر آسره
صياد فى القفص
واصبح بس حلمه
يرجع عصفور عالشجر
والنجمة العالية
تاهت وغابت فى الفضا
والعذاب أصبح صاحبنا
بيحاوطنا وهو بيتنا
واللي فرق مابينا
بنسميهم بشر
هي دي كل الحكاية
م .البداية للنهاية
ذكرى
حلوة بتواسيني
أعذريني أعذريني
________
بقلمي /
نصر الدين يوسف
ليست هناك تعليقات:
إرسال تعليق