اتعودنا على كلمة .
خلاص وماله
ومعلش .
اتعودنا على الصبر .
وهم الدنيا
منشلش.
اتعودنا نقلب
تعبنا هزار.
والزمن علينا
مقدرش.
اتحملنا ياما
حمل جبال.
ولسه الجبل ده ثابت
وموقعش.
اتعودنا نرجع نكمل حياتنا
من تانى
والدمع على الخد
منشفش.
بنشيل الهم
على كتافنا .
ونستحمل وظهرنا
مينكسرش.
ندخل فى سكة
كلها شوك .
نعدى منها
ومننجرحش.
اتعودنا نحاول
مرة والتانيه .
وحلمنا نحققه.
ما هو اليأس فى قلوبنا
مبيدخلش .
دايما شايفين الامل
فى بكرة .
ولما الفشل يحاول
يدخل حياتنا .
نقف قصاده ولدخوله
مبنسمحش.
هى دى صفات
اهل بلدى
فخورة بيها وبحبها .
ولو الغريب .
قال عليها كلمة غير .
نقف قصاده ولكلامه
منقبلش
ولاد بلدى ❤️
#سمر_الباز
ليست هناك تعليقات:
إرسال تعليق