.......(( مش مننا )) .....
مش واحد مننا ......
اللي ينكر و لا يشكر ربنا
علي نعمة الأمن .. بجهدنا
ويهبط عزمنا و يزود يأسنا
مش مننا ...
اللي كل همه يطعم فمه
و لا يهمه أبوه و لا أمه
ولا جيش يحافظ علي دمه
من غريب يحتل أرضنا .
مش مننا ....
اللي ناسي كل اللي فات
من هم و دم ...و آهات
علي شهيد ضحي و مات
لجل يحمي عرضنا .
مش مننا ....
اللي مش فاهم إن الجيش
أولي وأهم من رغيف العيش
و لو ناكل دُقة و نلبس خيش
و نحقق بالأمن حلمنا .....
مش مننا......
اللي ناسي العشوائيات
و صبحت كلها عمارات
وطرق وكباري و مستشفيات
وعلاج فيرس بينهش لحمنا
مش مننا ...
اللي لكل إنجاز .... رافض
و علي طول تلاقيه يعارض
كأنه فار.....و بجهله قارض
نسيجنا و غزلنا ......
مش مننا......
اللي مش عارف إن الأسعار
مهما ارتفعت ... و بقت. نار
أهون من حرب وكرب و دمار
يمتص دمنا
مش مننا.....
اللي ديما جاحد و حاقد
و لكل مبادرة تلاقيه... ناقد
و علي القهاوي تشوفه راقد
و لا يهمه همنا
مش مننا......
اللي مهما أهتف و أنادي
هو في وادي وانا في وادي
و لا يهمه نهضة .... بلادي
و يقف مع عدونا .
مش مننا ......
★★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق