♥️من قلبي♥️
أخويا وحبيبي
وصاحبي اللي غاب
يارمز الطفولة
ده عمره ما عاب
***
صفاتك جميلة
ياورد الخميلة
حنين وهادي
وحبك حقيقة
***
فراقك قهرني
وقلبي ف عذاب
ياحتة سابتني
عشقها التراب
***
وداني لصوتك
حنينها ما مات
وضحكة عيونك
وحتى النِكات
***
دموعي مانشفت
مالتها الآهات
و أنده بأسمك
يقولوا ده مات
***
وأرفض أصدق
وأرفض سكات
لحسك وفعلك
وذكرى اللي فات
***
حروفي خانتني
وحبري ودوايتي
ويصرخ سُكاتي
ف صدري وعبايتي
***
وأرفع دعايا
بوسع السماء
لربي ياصبري
يكون لي دواء
***
♥️بقلمي/ صفاء الخواجة ♥️
ليست هناك تعليقات:
إرسال تعليق