برجاء إلتزام الهدوء
خواطر
*******
وأنا نايم في غرفة الإنعاش
لقيتهم بيقولوا برجاء إلتزام الهدوء
خلاص المريض مات
**************
يا جماعه والله أنا لسه عايش استنوا
شويه أنا عملت ذنوب كتير ... طب بس
أرجع للدنيا ولو ساعات ألحق أرجع
الحق لأصحابه دا انا افتريت وكلت حق
الفقير
******************
لقيتهم بيندهوا علي أهلي جهزوا الكفن
أعمل إيه يارب كنت ناسي اليوم دا آهو
سري مات معايا وح يندفن
********************
آه لَو الإنسان يعمل حساب اليوم دا
ويعرف إنه مش ح ياخد غير عمله معاه
وفي الآخر ح يكون مجرد شوية عفن
************************
ياه علي الدنيا في بشر مش راضيين
بأي حاجه مقسومه لهم وفاكرين أنهم
ملكوها طيب دلوقتي نفعهم طمعهم وهيا
دي النهاية للدرجه دي ماكانوش عارفين
اللي ح يجرالهم
سحر أحمد محمد
ليست هناك تعليقات:
إرسال تعليق