كلام الليل
_______
كلام الليل ده بيحير
مالوش أمان
عمره زينا قصير
يجيب أحزان
وييجي الصبح يتغير
كما الأنسان
وأنا عمري ما باتغير
مهما إن كان
دايما عالوعد متسطر
عليك يا زمان
لو طال العمر او يقصر
على عهدي مش ندمان
ألاقي النيل ليه متعكر
ودمعي يسيل كما الفيضان
قلوب الناس ليه تتجبر
وتلبس توب آسى ونكران
اشوف الويل فينا يكسر
عزيمة و همة فى الوجدان
يعدي العمر نتحصر
ساعات الظلم بلا عنوان
_______
بقلمي /
نصر الدين يوسف
ليست هناك تعليقات:
إرسال تعليق