(( سعادة المدير العام )) م/عبالحميد سالم
أنا أمى جاتلى ف المنام
وقالت كيف حالك ياولدى
ليه شايفة الصحة مش تمام
إوعاك تكون سيبت الوظيفة
رديت: أبدا دنا بقيت مدير عام
ومرتبى بقى تلت تلاف جنيه
قالت دارى على شمعتك تنور
م بيحسد المال إلا صاحبه
ومتقعدش تسيح ف الكلام
والله يزيدك يابن بطنى
ويبعد عنك ولاد الحرام
طب ليه لسة ساكن ف بيتنا ؟
وسايب التجمع و الرحاب
ولا عشان البيت فيه ريحتنا
وطبعا بتاكل دليفرى وكباب
وبتصيف ف شرم ولا ف مارينا
وف كام بنك فاتح حساب ؟
قولتلها : مع السلامة انت يا غالية
بقه بتحسدينى على حالة مايلة
حقك م انتى مش عايشة بيننا
ولا عارفة بتجيب إيه المية جنيه
دى مش مكملة حتى كيلو لحمة
ف أسعار النهاردة صبحت هباب
وابنك أبو مرتب خمستلاف جنيه
على أخر الشهر بيفلس ويكح تراب
قالت : فوتك بعافية يا مدير يا عام
وكويس يابنى إنك بتعرف تن غام
ليست هناك تعليقات:
إرسال تعليق