**** فـي الـثـقـافـة ****
بفلم / إبراهيم جعفر
ـــــــــــــــــــــــــــــــــــــــــ
وبحلم لك .. يا مصر
أشـوفك .. زي زمان
منارة للحضارة
الثقافة ، فـيك
صـرح راسـخ
عالي البُـنـيان
منبر راقي ..
صُـوتـهُ واضح الهويـة
واصـل كُـل مكان
وانت ، زعـيمة الأُمـة
بالـفـكر ، والأدب
وعُـلـوم الإنـسـان
كعبة للحريـة
والإبداع فـيـكِ
شاغل العالم . . مذاهب وألوان
ومجلات ،
تـنهض بشـعـبك
وتـعـمـل لُهُ شــان
فين مكانتك ؟
واسـمـك اللي كان
فُـوق في الـعـنـان
فـيـن "الرسـالة ،
وروضـة الـمدارس
و" أبولو، والكاتب،
. . والـزهـور كـمـان
فين " البعكوكة ؟
والتنكيت والتبكيت
كُل دي .. مجلات
صدرت فيك زمان
فين " طه حسن
والمنفلوطي , والزيات
وصـاحب
" تـحـت رايــة الـقُـرآن "
و" تـاريــخ الأدب
وأوراق الـورد
ورســـائـل الأحـزان "؟
فين " الحكيم ، ويومياته ؟
والـعـقـاد وعـبـقـريـاتـه...؟
ونائـب الأُمة في البرلمان
" مكرم عـبيد ، ومحمد فريـد
ومصـطـفى كـامـل "
مثال الـوطـنـيـة للـشُـبـان ؟!
كانت دي مصر، واحه للـفن
والـثـقـافــة في كُل مـيـدان
حاضنة للأفغاني , وتلميذه الإمام
" محمد عبده " أبو عقـل يقـظان
و" على مُـبارك ، وقـاسـم أمـين
والطهطاوي "
نـابـغـة عـصـرهُ , وكُـل أوان
و" سـلامة موسى ، وبـيرم "
اللي كان " الـمـحـروســة "
عـنـدهُ ، أغـلى الأوطـــان
و"نبوية موسى، وطـلعت حـرب
وباحثة البادية ..
زمـن الـحرمـلك , والسُـلطـان
و" علي مشرفـة "
أُســطورة الــشرق، والـغـرب
. . كان لـسـه غـفـلان
مش كتير عليك ،يا مصر تُعودي
وأشـوف مكانـتـك .. زي زمـان
ما النيل فـيك ،بـ يجري,
وشمسك هـي شـمـسـك
. . . . والمكان هو المكان
ــــــــــــــــــــــــــــــــــــــــــــــــــــــــ
من ديواني " بحلم لك يامصر"
مخطوط لم يطبع بعد
بقلمي / إبراهيم جعفر
ليست هناك تعليقات:
إرسال تعليق