( فكر٠٠تلاقيها٠٠صح)( الإنتظار)
ياللي واقف مِسهِم عالرصيف
عرقان ومستحمل نقرة الصيف
وراسم ملامح كأحلى طيف
ولتاني مرة ينخدع القلب النضيف
--------------
استنيت ساعة والتانية ولا مجيب
وانا في عز الشمس مستني الحبيب
ليه توجعيني وانت الدوا والطبيب
ليه تكسفيني وتعامليني زي الغريب
--------------
نظرة عنيكي هي اللي حددت الميعاد
همس رموشك هو اللي قرب البعاد
أنا ما صدقت قلبي حينول المراد
واكعبلت من الفرحة خفت عالميعاد
-------------
مكنش العشم حتى ولا كلمة اعتذار
ده لسه بصماتك محتفظ بيها كتذكار
وآهاتك وقودي اللي بكمل بيه المشوار
وكلمة احبك حاسس بيها مولعة نار٠٠
أسامه عبد العال
مصر
ليست هناك تعليقات:
إرسال تعليق