"ياللى عيونك شغلتني"
----------------------------
ياللى عيونك شغلتني
أنا دُبت خلاص في هواك
والحب ف لحظة أخدني
خلاني ألف وراك
أرجوك قوللي وطمني
باتمنى أعيش وياك
ياللى عيونك شغلتني
أنا دُبت خلاص في هواك
من أول لحظة رإيتك
القلب رقص فرحان
واتمنيت ألمس إيدك
مع نظرة شوق وحنان
واتمنى أعيش مع قلبك
وأنول حبك ورضاك
ياللى عيونك شغلتني
أنا دُبت خلاص في هواك
هاديلك عمري وحبي
قلبي بالهوى مليان
محتاجلك تفضل جنبي
محتاج لحنان وأمان
وهاشيلك جوه ف قلبي
ولايمكن يوم أنساك
ياللى عيونك شغلتني
أنا دُبت خلاص في هواك
ياللي انت غرامك نعمة
ويارب تدوم على طول
فى كلامك باسمع نغمة
زي الكروان مايقول
أما عليك حتة نظرة
تسحر قلبي المشغول
وتخلي القلب بيرقص
ويقول ياغرام مااحلاك
ياللى عيونك شغلتني
أنا دُبت خلاص في هواك
------------------------------
بقلمي؛ م/محمود الحريري
ليست هناك تعليقات:
إرسال تعليق