أسمع ياصاحبي
بقلم الكيميائية / كريمة الشقري.
أنا ياصاحبي مش ملاك.
أنا إنسان !
زي ما ربي خلقني.
ومش عايزك تكون ملاك.
عايزك تكون إنسان ،
فاهمني ؟؟
ولما أغلط قوم عاتبني .
ماشي عاتبني !!!
بس ف الآخر سامحني.
راعي شعوري واحترمني.
واوعاك تقول كلام جارحني.
وآجي على نفسي..
دا عادي !!
بس بلاش تكون ظالمني.
أنا ياصاحبي مش ملاك.
و أنت برضه مش ملاك.
ولما أطلب حاجة منك.
أوعى تبخل..
لو معاك.
ولو تكون شهم ياصاحبي.
ميهمنيش لو أموت فداك.
أنت جاري من زمان.
كنت أقسم اللقمة معاك.
هو عشان عايزك تصوني.
أكون خلاص بقيت ملاك ؟!
ولما أحب الناس بجد.
تقول عامل نفسي ملاك ؟!
ولما أقول خليك أصيل.
خلاص ياصاحبي بقيت ملاك ؟!
أنا إنسان ،،
ديني حاكمني.
ولما دينك يحكمك ،
تكون ملاك.
ليه تأذيني ياصاحبي ؟
وأنا كنت ليك
ضهر وسند.
عشان نعيش في دنيا واحدة.
لازم تكون إنسان بجد
عمرك شفت يوم ياصاحبي.
إنسان على كلب إتسند؟!!!!
ليست هناك تعليقات:
إرسال تعليق