الصداقة
بقلمي/ عبدالحميد السماحي
ايدي فى ايديك روحي ياقلبي
مهما خبيت عنك مهاخبي
إنت فى ظهري أخويا وصحبي
ونسمة بكره أمل متوضي
شفت أمالي عايشه فى حبك
مسنوده بإيدك وحياة ربي
عايشين الرحمة هى طريقنا
يا دنيا سعادة مهما تصبي
دمي فى قلبك أمل وحياه
عارفين السكة وحياة ربي
خطوه ياقلبي بخطوة فرحه
نفسك سمحه يارفيق دربي
أشوف الدنيا بنظرة لقانا
بالصدق ألقاها وانا متوضي
سر الدنيا أمل فى عيونك
ظنوني ظنونك وقربك قربي
حياتك نسمه وليا قسمه
ورسمة همسه تحوش كربي
مهما ألف الدنيا بحالها
مش هلقى زيك صحبي
شجره تظلل عروشها أمان
لو غرقان مين يقول غيرك أفدي
شمس بكره إنت ضحاها
بقلبي أراها أشوفها بسمي
خط سير القدوة رسولنا
ابوبكر الدنيا عنه كلها تحكي
أبوعبيدة آمين الأمة
بنتذكرهم ياقلبي لاتبكي
ايدي فى ايدك نعلى بدينا
مش هيقسمنا الكفر لربك لبي
هى فى الآخرة ياصحبي شهاده
من حوض النبي نشرب ونسقي
ايدي فى ايدك روحي ياقلبي
بقلمي
عبدالحميد السماحي
مصر 🇪🇬 محافظة كفرالشيخ
ليست هناك تعليقات:
إرسال تعليق