محاكاة لقصيدة الشاعرة د/ صفاء الخواجة
( التقليد ) م/ عبد الحميد سالم
وأدى أخرة تقليدنا الاعمى
الناس بقت بتكفر بالنعمة
لا عاجبها العيشة وسنينها
يقولولك الصيت ولا السمعة
شفت التقليد لو ف جوازة
يتخرب بيت ابوها الاستاذة
ليه أنا اقل من فلانة وعلانة
ديون وسجن وتبقى جنازة
وصل التقليد الاعمى لغنانا
تنطيط وخبط ورزع وشغلانة
هرتلة على كل لون يابطسطة
و3 ساعات متواصلة وسطلانة
تقول لها كده عيب يا ولية
إلبسى حاجة حشمة ومدارية
تضاريسك كلها باينة وشفافة
دى موضةوايش فهمك ياعينيا
حتى الاكل ما عاد له طعم ولذة
تيك اواى وايشى كريب وبيتزا
فين شوربة العدس ولا المحشى
والفتة على دكر البط أو الوزة
ولا فيه حلول للتقلبد يا اخوانا
غير ف الرجوع لتقاليدنا وديننا
بلاش نجرى ورا كل تقاليع غيرنا
ساعتها هنقدر نحل كل مشاكلنا
ليست هناك تعليقات:
إرسال تعليق