#سنه_جايه
فارقه إيه يعني اللي جايه
زيها زي اللي راحت
الملامح هيه هيه
يوم مزهزه بعدُه باهت
يوم بتفرح يوم بتدي
يوم بتبكي يوم بتاخد
يعني مثلا شهر واحد
ناويه فيه الشمس تحمى
ولا واخده من ديسمبر
البروده و يمكن أقوى
ولا يمكن في يناير
الضماير فجأة تصحى
نلقى تاجر عنده رحمه
يبيع بذمه وتبقا فرصه
الرجا للجايه ندعي
م الشبه تبقا بعيد
أختها لو توبها مهري
هيه توبها يكون جديد
عصام رمضان جمعه
ليست هناك تعليقات:
إرسال تعليق