😪مرار ووجيعة 😪
بس خلاص انسوها وعيشوا
كل حياتكم .. شدوا الفيشة
خلوها ضلمة ونهب وغابة
ضيعوا كل جمال العيشة
***
أيوه بناقص.. لمة جميلة
واملو القعدة بكل نميمة
فرقوا بين الصحبة الحلوة
وامحوا كمان ألوان الطيبة
***
اوعوا تلوموا.. اوعوا تعاتبوا
أو تتصالحوا وتنسو الغيرة
اكرهوا خير الناس والفطرة
انهشوا فينا ونبقى وليمة
***
لاجل مايكبر جوه قلوبكم
إحساس طعمه مرار وفجيعة
رضعوا جيل أيامنا الجاية
كل مهانة .وموت لعزيمة
***
يادي القهرة ويادي الحسرة
فين أيام ..وليالي سعيدة
كلنا فيها ننام .. وايماننا
إن اساسنا حيطانه متينة
***
راحت منا وضاعت بينا
نخوة جميلة وكانت شيمة
لما الطمع الزايد .. فينا
غطى حياتنا بكل ..وجيعة
***
😪بقلمي/ صفاء الخواجة 😪
ليست هناك تعليقات:
إرسال تعليق