🌹تفرق🌹
فارقة معانا سنينا الجاية
بعد الخبرة ف دنيا غويطة
اتعلمنا وشوفنا .. الحيرة
ويا نفوس بسوادها غميقة
***
فارقة نقرب أكتر وأكتر
نعرف ديننا وفرحة جنة
وصراط ويا صحايف طايرة
وقلوب خايفة ماليها الرجفة
***
فارقة نصفي النية ونصلح
بين إخواننا ..ونمنع فُرقة
نوصل رحم .. بمعروف نؤمر
وبلاش غيرة وحقد وغربة
***
فارقة نطمن بعض ونسند
كل المايل.. ونغيث بكره
يشرق فجر ماليه الفرحة
ولسان ينطق حمده وشكره
***
🌹بقلمي/ صفاء الخواجة 🌹
ليست هناك تعليقات:
إرسال تعليق