أنا أعرفك
من قبل م أقرا كلمة فى مصحفك
شوفتك في مراية قلبي ومعطفك
قريت رسايل ليلة من ليالينا الممكنه
شَفّيت ملامحك من قبل م أعرفك
أنا أعرفك
رأيت شمسك فى عز الضلمة المظلمة
كنتى ليا وف كيانى إنتى الملهمة
فكّرت أطير فوق السحابة وأخطفك
لو هحارب عشانك وتبقي ملحمة
أنا أعرفك
جربت كل طرق العناية بالبشر
لقيت حبك جوة قلبي إنتشر
كلمت روحى وقلبي بفضفضة
قالولي بدرك في الرابع عشر
أنا أعرفك
حطي الفقير لو مرة واحده في حسبتك
يمكن يكون هو الدليل والنجاه من سكتك
أو الرصيد إللي كان تايه في بنك المعجزة
ويمكن كمان هو إللي يقدر ينور شمعتك
أنا أعرفك
شوفى اخدتي ف حياتك كام يوم جِزا
عشتى المرار في كل المراحل متأززة
ولا شوفتى راحة إلا بعض ثوانى دنيتك
حبينى مرة يمكن أشيل بعض الأذى
أنا أعرفك
#إيهاب السقا
ليست هناك تعليقات:
إرسال تعليق