خسارة ماتت جواك المشاعر
مبقتش تشوف
بعيونك الحقيقة
وتشوف الناس
حواليك غريبة
وخسرت روحك البريئة
وماتت جواك المشاعر
بقيت تشوف هموم غيرك
دى عادى
وتبتسم وتقول مش
لدرجة دى
وتبقى انت فى وادى
وغيرك فى وادى
ماهو ماتت جواك المشاعر
بقيت تقول يالا نفسى
انا مالى بغيرى ما اعمل
اللى فى نفسى
ورضى الناس بقى
عندى منسى
وماتت جواك المشاعر
بقيت فرحان بإنجازاتك
ومبقتش تدور عل فاتك
وشيلت ناس من حياتك
وماتت جواك المشاعر
اخسر عشرتك وناسك
ودور عليهم لما العمر
يكون فاتك
مش حتلاقى حد
يفتكر ولاحد بيك شاعر
وتعرف وقتها
إن جواك ماتت مشاعر
ماتت المشاعر 💔
#سمر_الباز
ليست هناك تعليقات:
إرسال تعليق