😪نتمنى رجوع 😪
شايلين جوانا وبنداري
احزان ودموع
شايفين ..القهر وبنعاني
نتمنى رجوع
***
لليالي تزيل من أوجاعنا
أو ضحكة ترجع أحلامنا
ولإيد بتطبطب.. وتهنن
وبتعرف تصلح..أحوالنا
***
شايفين الدنيا ومش لينا
على طول بتطفي ف أمانينا
تستخسر .. فرحة تدفينا
وبخوف بتشيب.. ليالينا
***
بنعاشر ناسنا.. وأهالينا
نتمنى نجاحهم يحيينا
وبحب قلوبهم ..تروينا
ليه دايما بالحسرة تجينا
***
ولا أبدا ايدهم.. تداوينا
ولا أُنس وجودهم يغنينا
عن غلب وقسوة بتطحنا
وفراق بيحزن.. أغانينا
***
😪بقلمي/ صفاء الخواجة 😪
ليست هناك تعليقات:
إرسال تعليق