سجال 🥀يادنيا🥀
بين الشاعر/ يوسف أبو زينة
والشاعرة/ صفاء الخواجة
🌹🌹🌹🌹
سجال بيني وبين الشاعرة المبدعة / Safaa Elkhawaga
بعنوان يادنيا ..
يوسف أبو زينة
يادنيا مراري فيكي طفح
بزيادة شقا بناقص بقى
عرقي ماكفى ولا فلح
إمتى أخرج م الشرنقة
الشاعرة / صفاء الخواجة
يادنيا خفيها علينا
وهاتي وياكِ أمانينا
كفاية منك بقى أحزان
وكيدي وافجعي أعادينا
يوسف أبو زينة
يادنيا صاينة ليه أعدائي
مع إنهم ديابة أشرار
وأنا اللي شهم بأِخلاقي
مش حباني سقيانى مرار
الشاعرة / صفاء الخواجة
يادنيا فيكِ .. المتجبر
عايش ومش شايل همك
وفيكِ غيره .. ومتحير
وقلبه ميت من غمك
يوسف أبو زينة
يادنيا ليه وخداني غياب
مع إني عايش نبضي حاضر
خبطت كتير عليكي الباب
مافتحتي ليا إلا محاضر
الشاعرة / صفاء الخواجة
يادنيا أمتى ح تحلوي
ومعايا أنت ح تتجاوبي
ونهاري يبقى بياضه جميل
ولا تاني للحزن تعاودي
يوسف أبو زينة
يادنيا ليه سوقك جبر
توبك ضاق على مقاسي
أنا أكتر واحد فيكي صَبر
ومع ذلك لسة بَقاسي
الشاعرة/ صفاء الخواجة
الشاعر/ يوسف أبو زينة
ليست هناك تعليقات:
إرسال تعليق