رداً على رائعة شاعرنا المبدع دكتور سمير خليل
...*( عجبي )*...
***********
عجبي على ناس كتير
ناكره جميلك يامصر
عايشين على أرضك
نايمين لحد العصر
إيه يعني لما تنادي
فى يوم علينا مصر
مهي مصر طول عمرها
صابره علينا صبر
هي أم لكل دين
هي مأوى
لكل حر
اسألوا كتب التاريخ
دوروا في كل سطر
ح تلاقوها من زمان
هي زهرة كل عصر
واللي حاولوا ينهبوها
بيلاقوها شوك و مر
ارحموا الناس الغلابه
اللي مش راسيين لبر
سيبوا نور الشمس يطلع
سيبواالزرع عشان يخضر
ربك وحده هو حاميها
هو لوحده بإيده اليسر
اللي يحاول يوم يعاديها
جوه ترابها بيحفر قبر
************
بقلمي/اسماعيل عبدالهادي ابوالعلا
ليست هناك تعليقات:
إرسال تعليق