البيوت وجمالها
كانت البيوت من بره
بايشه ومن غير عمدان
واللي يشوفها يقول
ايوه ده بيت فلان
معروف بالحدعنة
وكرم الأخلاق
و من جوه رجال
تسندها لو الزمن بها مال
وحيطان مبنية بالحب
وونسها أهل وخلان
ونفوس صافية
والضحك فى كل مكان
والاخ سند لأخوه
فعل مش كلام
وناس للرب حامده
وشاكره الخلاق
صبح الحال غير الحال
مباني عالية
وكل يوم تعلى
كمان وكمان
كل اللي يشوفها
يقول الله ياسلام
ده اللي بناها فنان
لكن
ياخسارة ع الأيام
من جوه خرابه وتوهان
والهم ماليها والكل فيها
حيران
والنت واخدهم
وما حد بغيره دريان
حد يا خلق يقولي
إيه فايدة المبنى
العالي
وضاع فيها الإنسان
هوى الإمام
ليست هناك تعليقات:
إرسال تعليق