جات يمامة
بقلمي/ عبدالحميدالسماحي
جات يمامة على شباكنا
باضت بدل البيضة اتنين
حسرة قلبي لما فتحنا
سقطوا وسقطت معاهم العين
شفت الأم بتدعي بعذابنا
خايف ربي من سد الدين
مين من النار راح يعتقنا
أنا مش قصدي أبكي ياعين
زيِك والله توهنا وروحنا
من غير قصد بيوتنا فين
كل اللي يهمنا أخرتنا
احنا فى الأخر مروحين
هى رسالة فى بيتنا وغيطنا
وآه من الظلم من القاسيين
آه ياولادي حد يغتنا
مش عارقين رايحين على فين
هنفضل نبكي من مرارتنا
زي اليمامة دنيا ودين
شوية عقل تدور حكايتنا
هنقول قصتنا الناس سامعين
الفرحة تبقى فى لمتنا
مش عيب نقول احنا أسفين
خلي الطيبة هى رايتنا
هنشوف بكره احلى الحلوين
اليمامة زيها زي طيبتنا
أصل وبراءة لكن مكسورين
شفت فيها عناد صرختنا
وأمتنا لجل ماتعلى مسلوقين
غرس وفيه كل جهودنا
مش هنبقى زي غراب البين
جات يمامة
على شباكنا
بقلمي
عبدالحميد السماحي
مصر 🇪🇬 محافظة كفرالشيخ
ليست هناك تعليقات:
إرسال تعليق