رداً على رائعة شاعرتنا القديرة الأستاذة صفاء الخواجة (مالوش إجابة)
*( هجر ولقاء)*
********
آه من قلبك آه من هجرك
قلبي احتار من كتر عمايلك
دايما قاسي وقافل قلبك
ناسي غرامي وحيرتي ف حبك
ليه تشغلني وقلبي معاك
ليه تسهرني سنين وايام
اشكي بعادك واشكي هواك
ومحرم على عيني تنام
ليه تداري حب كبير
وقافل قلبك دايما ليه
وانا مستني نظرة عين
تكتم ليه وتخبي عليه
كل ذنبي قلبي حبك
ولا فكرت يوم اجافيك
اصلك ناسي سهر الليل
وطول نهاري بفكر فيك
قلبي ليك كان نسمه وضله
حضني فرشته ورده وفله
مهما حتهجر ح افضل احبك
وقلبي يغني اجمل غنوه
الحياه حبة خطاوي
كل خطوه ليها حكايتها
خطوة حلوه وخطوة مره
وخطاوي هجر ف سكتها
العتاب بين الأحبة
يمسح دمعة كل حزن
والقلوب تزيد محبة
والمشاعر ترجع تحن
ألف آسف ويا اعتذار
يلا نفتح تاني قلوبنا
يلا ننسى هجر طال
يلا نزرع سوا فرحتنا
*********
بقلمي/اسماعيل عبدالهادي ابوالعلا
ليست هناك تعليقات:
إرسال تعليق