------+++ خواطر نفس +++------
بعض الناس زي القهوه دَلقُهم خير
ولو كنت شربتها حتى تِفْلها
أشرب بعدها ... شَربة خَروع بزير
ليه تجيب لنفسك الكلام
تقول للأعور أعور فى عينُه
وسروال كدبك بدون رجلِينُه
لا ينفعه حمَّاله ولا حِزام
هات المِنْجِل وحِش أشجاني
عشان تراب قسوتها
ما يخُشِّش ف عنيا من تاني
الحياه ساقيه دايره
عارفين مين سايقها
الدور والباقي على الساقي
ينْفَك من ساقيتها
د. سمير خليل
ليست هناك تعليقات:
إرسال تعليق