غزال اسكندراني
يازايدفى الحلاوة
وزايد فى الدلال
وكلام كلّه شقاوة
إمتى يعود الوصال
...
تقلان والتقل طبعك
بيزيد التقل حسنك
ومهما ح أقول فى وصفك
وصفك دا شيء محال
...
بأعشق فيك الشقاوة
ماهى بتزيدك حلاوة
دا البحر بدون عواصف
بيضيع منّه الجمال
...
حلّفْتك باللي فات
وشطوط لها ذكريات
وغناوي بحضن موجة
مصحوبة بالأهات
إنك تبقى بعيد
علشان الشوق يزيد
وأقول فيك الحكاوي
واملا الدنيا غناوي
ويقولوا عليا غاوي
بيعشق من غير وصال
...
رفعت محفوظ
ليست هناك تعليقات:
إرسال تعليق