🌹"إرتاح ياقلبي"
------------------------
أنا كل مااقول نسيته
قلبي يفكرني بيه
واقول لقلبي يسكت
يقول وحشاني عنيه
والله حرام ياقلبي
تفضل متعلق بيه
وكل شوية تبكي
وتقول طمني عليه
ماتقول بصراحة ياقلبي
وعاوزني أحكيلك إيه
أحكيلك عن عذابي
واللى بحاول اخبيه
والا أقول لك خدعني
ودبحني كمان بإديه
وف لحظة رماني وباعني
ولا حتى صعبت عليه
عرفت انا ليه ياقلبي
مش عاوز افكر فيه
أو اقابله في أى مكان
أو عيني تيجي في عنيه
وباحاول اداوي جراحي
والدمع كمان اداريه
ارتاح بقى يلا ياقلبي
وبلاش تسألني عليه
--------------------------
بقلمي؛
م/ محمود الحريرى
ليست هناك تعليقات:
إرسال تعليق