جاني الحبيب
قصدي اللي
كان حبيب
جاني وقال
وحشتيني
قرب كمان
وكمل كلام
وقالي خلاص
ممكن تسامحيني
سبته ومشيت
وعنه اختفيت
وقفني صوت
وقالي
ياريت تعاتبيني
من صوته جريت
وعليه ما رديت
صرخ بعلو الصوت
وقال فى بعادك
بموت
وقال ايه
هو انتي نسيتيني ؟؟
رديت عليه
وانا باصه
فى عينيه
وباقول خلاص
طبعا نسيت
طبعا قويت
طبعا عرفت
امسك
دموع عيني
بقيت اعرف انام
من غير آلام
من غير ما أشوف منام
يصحيني
بقيت اشوف اللي جاي جميل
مبقتش اشوف نهارى ليل
مبقاش فيه بكا مبقاش فيه ويل
بقيت أشوف أحلام
حقيقة ادام
عيني
جاي
بعد ايه 💔
#سمر_الباز
ليست هناك تعليقات:
إرسال تعليق