ردا علي رائعة شاعرنا المبدع مهندس محمود الحريري(ارتاح ياقلبي)
....*( غاوي حب )*...
*********
إزاي القلب يسكت
والحب معشش فيه
ده غرامه غير حالي
وشغلني بسحر عينيه
سهرني ليالي طوال
والدمع غلبت أداريه
دوبني هواه وحيرني
والقلب سألني عليه
ياريت ياقلب تهدا
وتبطل كتر معانده
راح نطفي نار أشواقنا
وكفايه غرام ومناهده
لو كان صحيح بيحبك
وف قلبه حبة محبه
كان جه لحد عندك
وسقاك شهد الأحبه
الحب أصله قسمه
وقدر مكتوب علينا
القلب كان غصب عنه
والحب ده
مش بإيدينا
**********
بقلمي/اسماعيل عبدالهادي ابوالعلا
ليست هناك تعليقات:
إرسال تعليق