همسات حب"
------------------------
حبيبى قلبه بيعشقني
ومن حنانه بيرويني
بسحره دايماً يفتنني
برمش عينه يغطيني
ولون خدوده بيسحرني
ونور جبينه بيهدِيني
نظرة عنيه بتريحني
لمسة إديه بتقويني
ف الصيف كلامه بينعشني
ف البرد حضنه يدفيني
بكلمة حلوة يصَبَّحني
وبضحكة صافية يمَسِّيني
وكاس غرامه بيسكرني
بسمة شفايفه بتحييني
عروقه تاخد من قلبي
ودمه يجرى ف شراييني
يارب بارك لي ف حُبِّي
ويعيش حبيبي يهنيني
هاشيله ف العين والنني
واسقيه محبة ويسقيني
---------------------------
بقلم : م/ محمود الحريرى
من ديواني "إبتدا بحبك صباحي"
ليست هناك تعليقات:
إرسال تعليق