يبقى الغلط ماليه
من فوقه لتحتيه
ويقول انا الصح
وما بغلطش
طب مين اللي هان
وللعشرة خان
وبقى زي العدو
ومايفرقش
طب مين اللي كذب
عليك وحلف
انه حيفضل معاك
وما يفترقش
طب مين اللي ساب
وقابل ناس
وقال سبتك
عشان معاك
مَبرتحش
مين اللي جرحك
وبايده دبحك
وقالك ده عادي
والمفروض
متزعلش
مين اللي شافك
وشاف نجاحك
والمفروض كان يفرح
بس للاسف مفرحش
طب مين اللي ؟
فى الازمة سابك
وفضلت انت فى عذابك
وعنك مسألش
ناس غريبة
وزمن اغرب
بعنيك تشوف عيوبهم
ويقولوا احنا مبنغلطش
غريبة الناس 😔
#سمر_الباز
ليست هناك تعليقات:
إرسال تعليق