------( خت القرار )------
بطلت افكر في اللي كــان بينــي وبينك
بطلت أحبك لو فـــي حبــي شيء يهينك
بطلت أنـادي عاللـــي مش بيحـس بيـــا
ولو بعـــدت فـي يوم عليــا مش هدينك
---------※--------※--------
تعبت من مشـوار حياتـــي ولا انت داري
أيام كتيره أتعب أوي وأعيش فــى
ناري
أخرتها إيه وياك يا قاسي ولا انت راسـي
غير اني أرضى بحكم قلبي واخد قراري
---------※--------※--------
ما بقتش عارف فين حبيبي بتاع زمــان
ولا قادر اعيش وياك في خـانة اللي كان
فين اللي كان جواه حنين يكفـي لسنين
ولَّا اتخدعت يا قلبي فيــه وبقيت مهان
---------※--------※--------
إنساه ودوس ع الجرح وإقوى وفكــــره
إني ف هواه كنت الحبيب ليه تخســـره
ليـه تكسر القلب اللي حبـــك واحتـــواك
مستنــــي ايه منــه يا قلبي دا ما تعذره
---------※--------※--------
قلبـي اللي كان زي الحجــر ليه حن ليك
يمكن دا كان حكم القدر علقنـــــي بيــك
بس انت ليه ما بقتش تتمنانــــي ليــــــه
ولا عاد فيه شوق جـوايا حتــى بيناديك
---------※--------※--------
مشغول ودايماً بس قلي منيش فـي بالك
فــدا لـو مكنش يزعـــــلك هو انت مــالك
إيه اللي غيَّـــــر لهجتـــك وبقيت غــريب
كنت الحبيب معرفش اجيب حـــد بدالك
---------※--------※--------
قلبي ليه غـــرقان في حبـك م البــدايــه
وانت ليه بتقسِّــــي قلبك ليــــه معـــــايا
ليه تزيد في البعد جـرحك إنت راضـــي؟
أنا بسألك يمكن هتبقـــــى دي النـــهــايـه
---------※--------※--------
من ديوان دموع الحب
بقلم الشاعر محمود فوده
ليست هناك تعليقات:
إرسال تعليق