"عيش في الواقع"
-----------------------
ليه أفكارك بتصورلك
إنك بني آدم مش عادي
وتقول على نفسك متميز
ومفيش زيك في الدنيادي
وسط الناس رافع مناخيرك
تتصرف.. بغرور وتعالي
وبطرف صوابعك بتسلم
وكأنك من كوكب تاني
عاوز الناس كلها تحترمك
فاكر نفسك شخص مثالي
بكره الايام راح تثبتلك
إنك.. متعجرف وأناني
ومتعرفش حقيقة نفسك
وغرورك خلاك متعالي
لو هتعيش بغرورك دايماً
هتلاقي نفسك يوم وحداني
أوهامك بتزيد ف غرورك
وتخليك منفوخ ع الفاضي
إياك تلبس توب مش توبك
عيش في الواقع هتكون راضي
-------------------------------------
بقلمي؛ م/ محمود الحريري
ليست هناك تعليقات:
إرسال تعليق