ضيوف فى صالون الدنيا
بقلم.... مجدي الجندي
قاعدين فى صالون الدنيا ضيوف
جانا المشروب فى صينية
فى..كاسات من مر وخوف...
عزمتنا بفرحة فى ولادتنا
وف السابع غربال وسبوع
وسابيتنا رجلينا شاليتنا
وف قلب التوهة وحطتنا
واتاريها فاهمة الموضوع
مشوارها مشيناه بخطاوينا
بنبص فى حاجة بعضينا
سحبانا الايام وياها
جرانا وبتبص وراها
رايحه وملهاش فى رجوع
واوقات الضحكة تنسينا
العمر سنينه وصلت كام
لبسانا سنين العمر ياناس
وبنجري كإننا خالدين
اوقات خناقات وعراك وخصام
وايام قعدات ولقا ووفاق
سيبانا نتأمل فى صالونها
واتاريها بكدبها باصلنا
شغالة بتلعب فى عقولنا
لهيانا نعد فى اعمارنا
واما بتزهق من قعدتنا
تقفل ابوابها فى سكتنا
ناوية تصلحي فى
اللى باقيلنا
ولا زهقتي من ضيافتنا
طعم المشروب بقى
مر وخوف
Magdy ELgendy
ليست هناك تعليقات:
إرسال تعليق