ولمحت صورتك
خواطر
*******
ولمحت صورتك ف البرواز
شفت نظرات عينيك وفهمت
كل اللي فيها حتى لو كان
مخبيها الإزاز
آه لَو تعرف قد إيه إني عايشه
سنين على ذكراك نام يا قلبي
واطمن إني مخلصه لك ودايما
فاكراك
بنام وأقوم واتخيل كل الأماكن
اللي كنت فيها معاك
والدمع ينزل م الوجع ويصبرني
حنيني واشتياقي وأنا باتمنى ربنا
يجمعني بيك ف الجنه ويكون يوم
الهنا والتلاقي
وخليك فاكر إن حبيبك صادق وع
العهد باقي
فاتت أيام وليالي طويله وانا باتعذب
م الوحده والحرمان ومش عارفه إيه
أخرة
الأحزان
يارب كل من كان له حبيب تجمعه بيه
ويتنعم معاه ف جنة الرحمن
سحر أحمد محمد
ليست هناك تعليقات:
إرسال تعليق