الحب مش كلمة بحبك .
تقولها لى واقولك
خلاص كده صدقت.
الحب ده شعور تحسه .
وتحسسه لغيرك
شعور بيدخل قلبك و روحك .
فتلاقي نفسك معاه
ارتحت .
الحب ده طيبة وحنان .
الحب ده أمان واهتمام .
الحب ياخدك لدنيا تانية .
بعيدة عن دنيا ياما
فيها اتوجعت .
الحب مش نار وحيره .
ولا عمره كان عذاب وغيرة.
الحب مش فترة فى حياتنا .
بتعدي وبتخلص فى ليلة
الحب ده ماضى وحاضر .
وعشرة سنين طويلة.
الحب ده ايدين تطبطب عليك .
يوم ما الزمن يقسى علينا .
الحب ده سعادة .
متقدرش فلوسنا تشتريه.
الحب ده عمر غالي
نهديه للى بنحبه .
ومنقولش بنعمل معاه
كده ليه.
الحب اني اكون عليك غالي .
تشتري خاطري تلاقني
بالغالي اشتريك .
الحب اللي اقصده حب مثالي .
عمره ما كان ظالم اناني.
الحب اللي اقصده
حب انسان لانسان .
من غير مصلحة
اصلح بها حالي .
الحب اللي اقصده
حب الخير للغير .
حب يخلي الناس تشوف
كل الرخيص غالي
.
ما هو الحب ؟؟❤️
#سمر_الباز
ليست هناك تعليقات:
إرسال تعليق