(شهيد على قيد الحياة)
أتخلقت الرجالة
من أجل الشهادة
وعلشان الدفاع ع الوطن
يا شوية أرانب مش كفاية
عربية مفخخة ولا حتى دانة
دا انا الصخرة اللي مهزهاش زمن
لو راجل يا خاين
أعلن وجودك
قولي أنت مين
أصلك لو ليك أصول
مين جدودك
يا سلعة رخيصة الثمن
أنا دمي غالي
اللي مطهره ربنا
خالي من كل غش
فاهم يا أبو ألف وش
أنا الصاعقي والمظلي
أنا إللي حافظ بلدي وأرضي
أنا الشرطي والجندي
اللي ميهزنيش رصاص
صايب أو حتى طايش
انا الشهيد لكني عايش
روحي تمسك سلاح بتحارب
أنا من مية التضحية شارب
كل اللي خسرانه بدن
يا مصر زغردي
أفرحي
انا اليوم شهيدك
هيفضل دمي يجرى ف وريدك
زفيني يا مصر
انا العريس
لابس كفن
..........
علي حافظ علم الدين
ليست هناك تعليقات:
إرسال تعليق