وجع الغريب
وجعك سنين ياغريب والمر في جوفك
أنا حسبت بالتقريب عدد سنين خوفك
طلع الحساب خسران مديون بقية عمرك
الحزن سلط سحابه خفيت نجوم قمرك
عايش حياتك وجع ملازم طلوع روحك
مسكين ياجرح الجدع اصعب نواح نوحك
سكينة المـُر شقت بحر دموعك نصين
غرقان ياقارب الوفا بحرك أساسُه كمين
صابر ياجرح الفؤاد لكني مش أيوب
توب الهوى توبي لكنه كان معيوب
واللي غرامُه إزاز نهايته حدف الطوب
شفت الجراح ألوان وبرضو عجز شوفك
وتعيش بوجعك سنين والمر في جوفك
رحت لكبير الأطبا يمكن تلاقي دواك
موجوع ياجرح الأحبا ولا طب ينفع معاك
أصل الوجع قتال لو كان نشانه القلب
تصبح عليل الحال وذنبك مابعده ذنب
ياللي الحبيب باعك وصابك ب 100علة
ياعايش زمان الطيبة زمنك خلاص ولىَ
حضن على جراحك وخبي كسر الضلوع
يفيد بأيه نواحك قدرك تعيش موجوع
ليه ترسم الأحلام وتغزل خيوط الغرام
لقلوب غرامها كلام وجوه الضماير سم
وسم الأفاعي ده طبع وغريزة جوه الدم
قدرك كده مكتوبك ومسطور على جبينك
تعيش تواسي الدمع النازف مابين عينك
وتشوف مأسي الوجع لما أنعدم شوفك
وتعيش بوجعك سنين والمر في
جوفك
كلماتى إبراهيم الحداد
ليست هناك تعليقات:
إرسال تعليق