....★( المنادي )★....
مشيت فى شارع الغرام
وقولت اعمل منادي
على كل قلب اتكوى
محتاج طبيب ومداوي
له وصفة حلوة عندي
لو كان للحب غاوي
اسمعني وافهم مني
ده انا ياما سمعت حكاوي
ياللي اتكويت م السهر
والخل عنك غاب
سهران شكيت للقمر
من هجر ولوم وعتاب
ليك قلبك خاف عليه
مدام رماك وعاب
ده اللي م يسأل عليك
ما ينفتح له باب
ناديت بعلو صوتي
على كل السهرانين
مش ح يفيدكم سكوتي
خدوا مني كلمتين
دي الحيرة وكتر الغيرة
ياما سهر عاشقين
وسمعنا ياما غناوي
لبهيه ويا ياسين
*******
بقلمي/اسماعيل عبدالهادي ابوالعلا
ليست هناك تعليقات:
إرسال تعليق