/////////+++ياك دنيا+++/////////
ياك دنيا بدونك نقصانة
ياللي مني مكانة لحروف
ياروعة حياتي سهرانة
في نبضي عايشة وانا نشوف
مرافقة قلبي وغرامي
ياقصيدتي وجميلة بوحي
ياولفي واسرار حروفي
ماعندك فين عليا تروحي
يالساكنة دواخلي ودفوفي
ياك تكلميني ونكلمك
وترسمي ليا خلودي
ولداتي ليا ونسلمك
وتكسري ليا قيودي
ياسحر اللهجات وكلامي
وسفينة حياتي والآتِ
سمفونية سرب أنغامي
يانسيج الدفء والكلمات
بقلم صقر الحروف الزجال المحجوب بوسبولة
ليست هناك تعليقات:
إرسال تعليق