....(( إياك فاكر نسينا )).....
إياك فاكر ..........نسينا زمانك
و حكم البراءة.....صحى إيمانك
حكم الشعب يوم ما دق الكعب
و خلعك ....من جدور. جدرانك
إياك فاكر نسينا............ زمانك
الفساد شاهد و قارض أركانك
سنين و سنين عايش في أمانك
مرض و فقر........... و ظلم و قهر
و سواد .. .. عشش فى مكانك
إياك فاكر ...........نسينا زمانك .....
تعالي أفكرك.................... بأيامك
جبروت .. رعرع فى أحلامك
و سلطة. .. تسطع في أوهامك
و سلب و نهب .......... بضمانك .
إياك فاكر نسينا............. زمانك .....
مين اللي ترك .......... ...الأنفاق
للتهريب و التخريب..... بالاتفاق
و مصانع بعتوها ....... ...للرفاق
بالبخس..... و الباقي في حسابك
إياك فاكر نسينا ........... زمان
ملأتوا ................قلوبنا رعب .
و سرقتوا................ قوت الشعب
تلاتين سنة ................. صعب
ننساها ..... . مع جشع شيطانك
إياك فاكر نسينا.............. زمانك ....
مين................اللي هرب . أموالنا
مين...................اللي شرد عمالنا
مين اللي زور ....... ......أقوالنا
مين.................اللي سرق أحلامنا
و مرض
........ انتشر في أجسامنا
من إهمالك ...و جمايل حيتانك
إياك فاكر نسينا ............ زمانك......
★★★★★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق