مالك يا
بني وإيه يرضيك
انا مش حاسس بإستقرار
حاسس الدنيا مرار فى مرار
وفى تفكيري دايما محتار
رغم الهيصة والأنوار
رغم الحرية عايش فى حصار
وفى أحلامي أشعر بدوار
عطشان و الدنيا كلها أنهار
الفقر يابا سيف بتار
فى الرضا يابني
راح تشوف خرابها عمار
و الكون يابني مليان أسرار
وانت فيها يدوب تختار
حاول بدل فى المسار
احمد ربك إننا أحرار
اعمل مع نفسك حوار
والأماني مش بالإجبار
شوف جنبك أمم بتنهار
حامدين شاكرين
إن لهم جار
ابني وعلي في الأدوار
و معاك حرية القرار
***
راح اقول لك يابني معلومة
في كل مكان هي هي النومة
والأرزاق يابني مقسومة
في المستشفى ناس مكلومة
مليون آه مش لاقي النومة
غير الذل والمهانة
في ناس بتتعالج فرحانه
فى السجون ياما ناس مظلومة
بالأمر القعدة والقومة
الستر يابني شيء عظيم
واحمد ربك إنك سليم
وربك بحالك عليم
باب الرضا محتاج تعليم
إعرف دينك ربك رحيم
قلبك يابني محتاج ترميم
دنيا تعيشها وخلص الجيم
(((أسامه جديانه)))
ليست هناك تعليقات:
إرسال تعليق