منشورات الخال عصمت ١
(أنا لسه موجود)
--------
قولوا
للي ما بيشوفنيش
(أنا لسه موجوود)
شايل سلاحي على الحدود
*
بعزق بأرضي وأزرع وروود
وبابنى وبعلي وعمل سدود
وبكشف وبعاالج كل مولود
*
وبحرس تراثنا تاريخ الجدود
وبعلم وبوعظ حاقد وحسود
وبكتب وليه بالجراايد عمود
وبرفه وبعمل نمره بالأسوود
*
وبيقولوا عليه ضايع
وخالي شغل وصايع
وأنا بشتغل ٧ صنايع
وعمري ما كنت منفسن حقود
((وراضي برزقي الموعود))
*
لإنى مواطن مصري
والمصرى ولد ووتد
موووش كمالة عدد
لو غضب يعمل العجب
يعجن الغله ويعملها بارود
وف ثانيه تلقاه م الجنود
*
قولوا
للي مابيشوفنيش
أنا لسه موجووود
شايل سلاحي ع الحدود
-----------
ألخال عصمت البيلي
ليست هناك تعليقات:
إرسال تعليق