قاصد كلامي
بقلمي / عبدالحميد السماحي
قاصد كلامي بعطر الفل
ياقلبي كفايه كفايه ذل
كنت بشوفك حب حياتي
ياحبيبي بس عليا طل
بسجل بروحي كل فرحة
أنا مش هنسى أنا مش همل
إنت الذوق ونهر الأماني
أنا سفينة فى بحرك ياخل
بلقاك ضحكي وماشي راضي
ماعدتش فاضي شفلي حل
كنت بكتم شعوري وأنادي
وفى كل الأراضي قمرك يهل
شراعك محبة وسحبك حنان
صوتك كروان للعدو يشل
كنت فى قلبي الآمان واللسان
فى كل مكان بشوفك الكل
ملكت الهيام لصمتي تقدر
وبكلامي تعطر وتقول دا فل
قلت وداع على إيه تعادي
أنا بجتهادي هسيبك للأمل
عليك بغير أنا مش أناني
هترجعلي تاني وتفرشلي رمل
عاوز تروح سيبلي قلبي
وأنا هعيش ليه ألف ظل
لسه بدور عليك سلامتك
أرضى بحياتك كفايه غل
قلبي الأبيض يدعيلك تعود
كفايه سدود اوعاك تمل
ثمرة نجاحي ملاك فى القلوب
للكل محبوب لساني سهل
الصراحة راحة شامله الأماني
ليه تعاني كفايه جهل
قاصد كلامي بعطر الفل
ياقلبي كفايه كفايه ذل
بقلمي
عبدالحميد السماحي
مصر 🇪🇬 محافظة كفرالشيخ
ليست هناك تعليقات:
إرسال تعليق