ايه يفيدك
ايه يفيدك من جراحها
وقلبها تملاه انين
ده الإله من فوق منحها
بالأمان وطور سنين
والتاريخ دايما مدحها
باحلى سيرة ومكرمين
لو هاتندم روح صالحها
وزور طريق التوابين
ده السلام طبع ف سماحها
وقلبها ده كله لين
للعلا خليك جناحها
وع الحدود دايما امين
بالأمل هنقيم فرحها
وف الشدايد سدادين
من بعيد يبان صروحها
ونورها ضي المشتاقبن
يبقي ليه دايما جارحها
وانت عارف تبقى مين
م انت
عارف مصر روحنا
واللي فيها الطيبين
شعر اسامه بهنساوي الرفادي العبيدي
ليست هناك تعليقات:
إرسال تعليق