"الصحبة الحلوة"
--------------------
أنا كنت ياناس محظوظ
كان يوم أبداً مش عادي
وقابلت الصحبة الحلوة
وده شئ فرح لي فؤادي
كان رفعت باشا محفوظ
قاعد على كرسي قصادي
كان قاعد برضه معانا
سماعيل بيه عبد الهادي
وفضلنا نقول ونقول
عن أحوالك يابلادي
والوقت أهو عدا بسرعة
زى الرهوان في الوادي
ومشينا واحنا بندعي
ونمد لبعض أيادي
وقلوبنا ياناس فرحانة
أرواحنا كمان بتنادي
تدعي ربنا يحفظنا
ما يفرح فينا أعادي
ويكون اللقا من تاني
على خير يجمعنا الهادي
--------------------------------
بقلمي؛؛ م/محمود الحريري
ليست هناك تعليقات:
إرسال تعليق